ഇടവേളകളിലൂടെ...(മിനി കഥ)

ഉറക്കത്തെ പോലും അകറ്റി നിർത്തി അയാൾ അവളോട്  ഇടവേളകളില്ലാതെ...ഒരുപാട് സംസാരിച്ചിരുന്നു.

പിന്നെയെപ്പോഴോ ആ ബന്ധത്തിന് പഴയ പ്രസരിപ്പ് കുറഞ്ഞു പോകുന്നു എന്ന് അയാൾക്ക് തോന്നി തുടങ്ങി. അയാൾ സംസാരിക്കാൻ ശ്രമിച്ചപ്പോൾ ഒക്കെ അവൾക്ക് ഞാൻ തിരക്കിലാണെന്ന  ഒരുവാക്ക് മാത്രമേ പറയുവാൻ ഉണ്ടായിരുന്നുള്ളു.ഒരുനാൾ അതും അവസാനിച്ചു.പിന്നീട് അവൾ തിരികെ വന്നതുമില്ല.അയാൾ അവളെ അന്വേഷിച്ച് പോയതുമില്ല..ഒരുപാട് സംസാരിച്ചിരുന്നു എന്നതിനർത്ഥം പരസ്പരം മനസ്സിലാക്കിയിരുന്നു എന്നല്ല എന്ന് പിന്നീടാണ് അയാൾ തിരിച്ചറിഞ്ഞത്.ഉറക്കത്തെ മനപ്പൂർവ്വം അകറ്റി നിർത്തിയ അയാൾ പിന്നീട് എല്ലാം മറന്നൊന്ന് ഉറങ്ങുവാൻ ഒരുപാട് കൊതിച്ചു തുടങ്ങി.ഉറക്കവും അയാളോട് വാശി തീർത്തപ്പോൾ അയാൾ ചിന്തിച്ചത് മറ്റൊന്നായിരുന്നു.

ഉറക്കമില്ലെങ്കിൽ എന്ത്..?

 ഉറക്കം കെടുത്തുന്ന

ഒരു ചിന്തയായി അവൾ എപ്പോഴും കൂടെയുണ്ടല്ലോ...