അകലങ്ങൾ

പിരിയുന്ന ദിവസം...
യാത്ര പറഞ്ഞു തീരാത്ത മനസ്സിന്റെ വേദനയെ മിഴികളിൽ നിറച്ചുകൊണ്ട് അവൾ അരികിൽ വന്നു.ഞാനും ആ വരവിനായാണ് കാത്തിരുന്നത്.പരിചയപ്പെട്ട നാൾ മുതൽ...
ഒരുപാട് പറയണമെന്ന് തോന്നി.
പക്ഷേ....
മനസാക്ഷി അനുവദിച്ചില്ല.
ഒന്നും പറയാതെ മൗനമായ്...കുറെ സമയം നിന്നു.കൈവീശി ഇരു ദിശകളിലേക്കും യാത്ര പറഞ്ഞു പോയപ്പോൾ...തിരിഞ്ഞു നോക്കണമെന്ന് തോന്നി.ശക്തിയില്ലായിരുന്നു ആ മിഴികളെ നേരിടാൻ...
ഒന്നും പറയാതെ പിരിഞ്ഞെങ്കിലും..ഞങ്ങൾ സംസാരിച്ചു കൊണ്ടിരുന്നു.
മനസ്സിലൂടെ....
പിന്നീട് ചുവരിനപ്പുറം....
മതിലുകൾക്കപ്പുറം....
ഗ്രാമങ്ങൾക്കപ്പുറം......
അകലങ്ങൾ ഞങ്ങൾക്കിടയിലുണ്ട്...
ആ...അകലം...ശരീരങ്ങൾ മാത്രമായിരുന്നു.
എങ്കിലും..സംസാരിച്ചു കൊണ്ടേയിരുന്നു...ഹൃദയം കൊണ്ട്..!!