ജീവിത ബന്ധങ്ങൾക്കിടയിലെ അന്യധാബോധമുണർത്തുന്ന
ചില വേർതിരിവുകൾ. മുമ്പെങ്ങുമില്ലാത്ത വിധം തലയുയർത്തി നിൽക്കുമ്പോൾ..എന്തൊക്കെയോ നഷ്ടപ്പെടുകയാണ്
എന്നൊരു തോന്നൽ അകതാരിൽ എവിടെയോ ഖനം വെയ്ക്കുന്നു.
അതൊരു വെറും തോന്നലല്ല...സത്യമെന്ന് തിരിച്ചറിഞ്ഞതും ഇന്നിലാണ്.വിടരാപൂമൊട്ടുകൾ എല്ലായ്പോഴും കൊഴിഞ്ഞു വീഴാറാണ് പതിവ്..കാരണം അതിന് സൗന്ദര്യവും,സൗരഭ്യവും കുറവായിരിക്കും.
ചില മുറിവുകൾ മനസ്സിനേറ്റാൽ കാലങ്ങെളെത്ര കഴിഞ്ഞാലും അത്‌ ഉണങ്ങണമെന്നില്ല.ഓർമ്മകൾക്ക്‌ മീതെ ഉപ്പുകണം വിതറി
ഒരു നീറ്റലായി അത്‌ മനസ്സിനെ ചുറ്റി പിണഞ്ഞ്‌ കിടക്കും.
വേർപാട്‌ എപ്പോഴും വേദനാജനകമാണ്‌.സമാഗമം സന്തോഷ സമന്വിതവും.
ജീവിതത്തിന്റെ മുഖം ഒരുപിടി വേർപാടുകളുടേയും ...
സമാഗമങ്ങളുടേയും ആകെ തുകയാണ്‌ .
വേർപാട്‌....
അതൊരു റിഹേഴ്സലാണ്‌ .ശാശ്വതമായ വേർപാട്‌ എന്ന
സ്റ്റേജ്‌ പെർഫോമൻസിന്റെ റിഹേഴ്സൽ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ