യദാർത്ഥ വഴികാട്ടി

ലോകത്തിൽ നമുക്ക് മറ്റെന്ത് തന്നെ ഉണ്ടായിട്ട് എന്ത് കാര്യം...മനസ്സമാധാനം ഇല്ലെങ്കിൽ...
ആ മനസ്സമാധാനം നമുക്ക് കൈവരണമെങ്കിൽ നമ്മൾ സ്നേഹിക്കപ്പെടുന്നു എന്ന തോന്നൽ നമ്മിൽ മുളപൊട്ടണം.സ്നേഹം കിട്ടുക എന്നത് വലിയ കാര്യമാണ്.ജീവിതത്തിൽ പല സുഖസൗകര്യങ്ങളും നമുക്ക് വില കൊടുത്ത് വാങ്ങാൻ കഴിയും..പക്ഷേ...സ്നേഹമെന്ന വികാരം..ആ കുളിർമ...ആ അനുഭൂതി അത് മാത്രം എത്ര വില നൽകിയാലും കിട്ടില്ല.തമ്മിൽ കാണുമ്പോൾ പല്ലിളിച്ചു കാണിക്കുന്ന മുഖഭാവം പേറിയവർ നമുക്ക് നൽകുന്നത് യദാർത്ഥ സ്നേഹം ആകണമെന്നില്ല.നമുക്ക് പണവും,പ്രതാപവും ഉണ്ടാകുമ്പോൾ നമ്മുടെ ഓരോ പ്രവൃത്തിയേയും പ്രശംസിച്ചും വെറുതെ പുകഴ്ത്തിയും പുറകേ കൂടുന്നവർ നൽകുന്നത് യദാർത്ഥ സ്നേഹം ആയിക്കൊള്ളണമെന്നില്ല.
ശ്രേയസ്സുണ്ടാകുമ്പോൾ മാത്രമല്ല....ഒരു വിഷമം ഉണ്ടാകുമ്പോഴും കൂടെ നിൽക്കാൻ തന്റേടവും...ആത്മാർത്ഥതയും കാണിക്കുന്നവനേ...ഒരു സുഹൃത്ത് എന്ന പേര് ചേരൂ...അങ്ങിനെയുള്ളവർ നിന്നെ നന്മയിലേക്ക്...സത്യത്തിലേക്ക്...മിഥ്യതയിൽ നിന്നും വെളിച്ചത്തിലേക്ക് വഴി നടത്തുന്ന ഒരു വഴികാട്ടി ആയിരിക്കും. അതല്ലാത്തത് ഒക്കെയും വെറും നാട്യം മാത്രം...നിന്നിൽ നിന്ന് എന്തൊക്കെയോ പിടിച്ചു വാങ്ങാൻ ശ്രമിക്കുന്ന അവസരവാദി മാത്രം...!